धरानमा अन्तर वडास्तरिय फुट्सल रनिङ्ग टुर्नामेन्ट हुने

धरानमा चैत २० गतेदेखि २५ गतेसम्म अन्तर वडास्तरिय फुटसल रनिङ टुर्नामेन्ट हुनेभएको छ । स्वास्थ्यका खेलकुद राष्ट्रका लागि खेलकुद नाराकासाथ अन्तर वडास्तरिय फुटसल टुर्नामेन्टमा धरानको २० वटा वडा सहभागी हुने आयोजक मितेरी फुटसलका अध्यक्ष लुकेन्द्र राईले बताउनुभयो ।

टी–२० क्रिकेट सिरिजः पपुवा न्युगिनीद्वारा मलेसिया पराजित

त्रिकोणात्मक टी–ट्वान्टी अन्तरराष्ट्रिय क्रिकेट सिरिजमा पपुवा न्युगिनीले मलेसियालाई पराजित गरेको छ। पपुवा न्युगिनीले मलेसियालाई आठ विकेटले हराएको हो। मलेसियाले दिएको १९७ रनको लक्ष्य पपुवा न्युगिनीले १७ दशमलव पाँच ओभरमा दुई विकेट गुमाएर पूरा गर्यो। कीर्तिपुरस्थित त्रिवि क्रिकेट मैदानमा टस हारेर पहिला ब्याटिङ थालेको मलेसियाले निर्धारित २० ओभरमा ६ विकेट गुमाउँदै १९६ रन बनायो।

मलेसियाद्वारा पपुवा न्युगिनीसामु १९७ रनको लक्ष्य

मलेसियाले त्रिकोणात्मक टि–ट्वान्टी अन्तर्राष्ट्रिय क्रिकेट सिरिजमा पपुवा न्युगिनीलाई १९७ रनको लक्ष्य दिएको छ। कीर्तिपुरस्थित त्रिवि क्रिकेट मैदानमा अहिले जारी खेलमा टस हारेर पहिला ब्याटिङ थालेको मलेसियाले निर्धारित २० ओभरमा ६ विकेट गुमाउँदै १९६ रन बनायो। मलेसियाका लागि सैद अजिजले सर्वाधिक ६४ रनको योगदान दिए। उनले ३५ बलमा ८ चौका र ३ छक्का प्रहार गरे। त्यस्तै कप्तान अहमद फैजले ६३ रनको योगदान दिए। उनले ४३ बल...

‘अन्तर्राष्ट्रिय हाई अल्टिच्यूट ट्राइ एड्भेञ्चर कम्पिटिसन’ जेठ ७ मा

मुस्ताङको जोमसोममा ‘प्रधानसेनापति प्रथम अन्तर्राष्ट्रिय हाई अल्टिच्यूट ट्राइ एड्भेञ्चर कम्पिटिसन’ हुनेभएको छ । आगामी जेठ ७ गते हुने प्रतियोगितामा स्वदेशका १५ र विदेशी १० टिमको सहभागिता रहने छ ।

बैंक अफ बरोडालाई टेबलटेनिसमा दोस्रो स्वर्ण

भारतको बैंक अफ बरोडाले चौथो सम्झना कप अन्तर्राष्ट्रिय टेबलटेनिस प्रतियोगिताको पुरुष टिम इभेन्टमा बिहीबार स्वर्ण जितेको छ । बरोडाले फाइनलमा भारतकै अंशुल गर्ग एकेडेमी (एजीए) ‘ए’ लाई ३–१ ले हरायो ।

बक्सिङ टोली थाइल्यान्ड जाने

थाइल्यान्ड ओपन अन्तर्राष्ट्रिय बक्सिङ प्रतियोगितामा सहभागी हुन ५ खेलाडीसहित ७ सदस्यीय नेपाली टोली शुक्रबार थाइल्यान्डको फुकेट प्रस्थान गर्दैछ । अप्रिल १ देखि १० तारिखसम्म हुने प्रतियोगितामा १ पुरुष र ४ महिला खेलाडीले नेपालको चुनौती प्रस्तुत गर्नेछन् ।

फिफा वरीयतामा नेपाल एक स्थान खस्कियो

विश्व फुटबल महासंघ (फिफा) वरीयतामा नेपाल एक स्थान खस्किएको छ । फिफाले बिहीबार सार्वजनिक गरेको वरीयतामा नेपाल एक स्थान खस्किएर १६८औँ स्थानमा झरेको हो । यसअघि नेपाल १६७औँ स्थानमा थियो ।

गल्फमा सुवासको अग्रता कायमै

सूर्य नेपाल गल्फ टुर अन्तर्गत वेस्टर्न अ‍ोपनको दोस्रो दिन पनि एमेच्योर गल्फर सुवास तामाङले अग्रता कायम राख्नुभएको छ । पोखरा स्थित पार ६८ को हिमालयन गल्फ कोर्समा बिहीबार सुवासले एक ओभर ६९ खेल्नुभयो । १३औँ सागमा दोहोरो स्वर्ण विजेता सुवासको कूल एक अन्डर एक सय ३५ स्कोर छ ।

त्रिदेशीय टी–२० क्रिकेट सिरिज : नेपाल फाइनलमा

नेपाल त्रिदेशीय टी–२० अन्तर्राष्ट्रिय सिरिजको फाइनलमा प्रवेश गरेको छ । कीर्तिपुरस्थित त्रिवि क्रिकेट मैदानमा बिहीबार भएको तेस्रो खेलमा पपुवा न्युगिनी (पीएनजी) लाइ ३७ रनले हरायो । लगातार तेस्रो जित निकालेको नेपाल एक खेल अगावै फाइनलमा पुगेको हो ।

एसियन कप छनोटका लागि २४ खेलाडी बन्द प्रशिक्षणमा

अखिल नेपाल फुटबल संघ (एन्फा) ले एएफसी एसियन कप छनोट खेलको तयारीमा लागि २४ खेलाडीलाई बन्द प्रशिक्षणमा बोलाएको छ । नेपाली टोलीका मुख्य प्रशिक्षक अब्दुल्लाह अल्मुताइरीले बिहीबार २४ जना खेलाडी बन्द प्रशिक्षणका लागि बोलाउनुभएको हो ।

त्रिदेशीय टी–२० सिरिज : नेपालद्वारा पीएनजीलाई २०४ रनको लक्ष्य

दीपेन्द्रसिंह ऐरीले ६६ रनको अर्धशतकीय इनिङ्स खेलेपछि त्रिदेशीय टी–२० अन्तर्राष्ट्रिय सिरिजको तेस्रो खेलमा नेपालले पपुवा न्युगीनी (पीएनजी)लाई २०४ रनको विजयी लक्ष्य दिएको छ ।

त्रिदेशीय टी–२० सिरिज : टस हारेर पहिले ब्याटिङ गर्दै नेपाल

त्रिदेशीय टी–२० अन्तर्राष्ट्रिय सिरिजको तेस्रो खेलमा नेपाल आज (बिहीबार) पपुवा न्युगिनी (पीएनजी) सँग प्रतिस्पर्धा गर्दैछ । कीर्तिपुरस्थित त्रिवि क्रिकेट मैदानमा अहिले नेपालले टस हारेर पहिले ब्याटिङ गर्ने भएको छ । टस जितेको पीएनजीले पहिले बलिङ गर्ने निर्णय गरेको छ ।

प्रधानसेनापति ट्रफी २०७८ सुरु (फोटो फिचर)

नेपाली सेनाका चार वटै कमाण्ड, पाँच वटा बाहिनी र विशेष फौज बाहिनी सहभागी रहेको ‘प्रधानसेनापति ट्रफी–२०७८’ आजदेखि सुरु भएको छ। प्रधानसेनापति प्रभुराम शर्माले सैनिक मुख्यालय जङ्गी अड्डामा आज आयोजित समारोहमा प्रतियोगिताको उद्घाटन गर्नुभयो। आगामी वैशाख २ गतेसम्म सञ्चालन हुने प्रतियोगितामा फुटबल, भलिबल, बास्केटबल, तेक्वान्दो, बक्सिङ, पौडी, दौड, सुटिङ र आर्चरी विधा समेटिएको छ।

प्रशिक्षकलाई क्षमता अभिबृद्धि तालिम

राष्ट्रिय खेलकुद परिषद् (राखेप) अन्तर्गत तालिम तथा प्रशिक्षण विभागद्वारा आयोजित क्षमता अभिबृद्धि तालिममको युवा तथा खेलकुद मन्त्री महेश्वरजंग गहतराजले बुधबार एक कार्यक्रमबीच उद्घाटन गर्नुभयो । तालिममा विभिन्न खेलका ३७ प्रशिक्षकको सहभागिता रहेको तालिम तथा प्रशिक्षण विभागका निर्देशक अर्जुन विकले जानकारी दिनुभयो ।

वेस्टर्न अ‍ोपन गल्फमा सुवासको अग्रता

सूर्य नेपाल गल्फ टुर अन्तर्गत वेस्टर्न अ‍ोपनको पहिलो दिन एमेच्योर गल्फर सुवास तामाङले अग्रता लिनुभएको छ । पोखरा स्थित पार ६८ को हिमालयन गल्फ कोर्समा बुधबार सुवासले दुई अन्डर ६६ खेल्नुभयो । १३औँ सागमा दोहोरो स्वर्ण विजेता सुवासले दोस्रो स्थानमा रहनुभएका ब्यावसायिक गल्फर जयराम श्रेष्ठलाई दुई स्ट्रोकले पछि पार्नुभएको छ ।