उदयपुरमा नियमित खोपबाट आठहजार बालबालिका लाभान्वित

कोरोना भाईरस (कोभिड–१९) को संक्रमण रोक्न सरकारले लागु गरेको लकडाउनसँगै प्रभावित भएको खोप कार्यक्रम उदयपुर जिल्ला भर पुन सुचारु भएको छ ।बालबालिकाले नियमित लगाउनु पर्ने खोप कार्यक्रम लकडाउनले गर्दा स्थगित भएकोमा नेपाल सरकार स्वास्थ्य मन्त्रालयको परिपत्र अनुसार सुचारु गरिएको जिल्ला स्वास्थ्य कार्यालयले जनाएको छ ।

सडक समस्याले नाकामै अड्कियो राहत सामग्री

हिमालपारीको जिल्ला मुस्ताङको उपल्लो भेगका दुई वटा गाउँपालिकाको लागि चीनबाट प्राप्त राहत सामग्रीहरू सडक अवरुद्ध हुँदा कोरला नाकामै रोकिएको छ । चीनको स्वशासित क्षेत्र तिब्बतबाट स्थानीय तवरबाट सङ्कलित राहत सामाग्रीहरू वैशाख २६ गते नाकामा आइपुगेको भएपनि विगत १३ दिनदेखि कोरला नाकामा नै रहेको मुस्ताङका प्रमुख जिल्ला अधिकारी वेदप्रसाद अर्यालले बताउनुभयो ।

पाँच दिनदेखि हराएका युवाको शव गाडिएको अवस्थामा फेला

पोखरामा पाँच दिन अगाडीबाट हराएका एक युवा गाडेको अवस्थामा मृत्त भेटिनु भएको छ । कास्कीको मादी गाउँपालिका घर भई हाल पोखरा–२७ लेखनाथको सुन्दरीबजारमा बस्दै आएका २४ वर्षीय सुजन विकको शव गाडेको अवस्थामा फेला परेको परेको प्रहरीले जानकारी दिएको हो ।

व्याकुल माईला गोल्डकप मैदान निर्माण सम्पन्न

मानेभञ्ज्याङ गाउँपालिकाको दुधकोशी किनारमा अवस्थित राष्ट्रिय गानका सर्जक व्याकुल माइलाको नाममा निर्माण भएको व्याकुल माइला गोल्डकप मैदानको विस्तार र दर्शकदिर्घा निर्माण भएको छ । लगातारको लकडाउन भएपनि गोल्डकप मैदानको निर्माण सम्पन्न भएकोे हो ।

हुम्लामा सङ्कलित २२६ वटै स्वाबको रिपोर्ट नेगेटिभ, स्थानीयमा खुसीयाली

हुम्लाबाट काेराेनाभारइरसकाे पिसिआर विधिबाट परीक्षणका लागि प्रादेशिक अस्पताल, सुर्खेत पठाइएका सबै स्वाबको रिपोर्ट नेगेटिभ आएको छ । विभिन्न क्वारेन्टाइनमा रहँदैआएका व्यक्तिहरूको स्वाब सङ्कलन गरी हवाईजहाजबाट सुर्खेत पठाइएको हो ।

विदेशबाट आएका ४१ जना क्वारेनटाइनमा

तनहुँमा बन्दाबन्दीका क्रममा विदेशबाट आएका ४१ जनालाई क्वारेन्टाइनमा राखिएको छ । क्वारेन्टाइनमा बसेका मध्ये अधिकांश भारतबाट आएका रहेका छन् । बङ्गालादेशबाट एक जना, दुबईबाट आएका दुई जना र बाँकी भारतबाट आएका गरी उक्त सङ्ख्यालाई क्वारेन्टाइनमा राखिएको स्वास्थ्य कार्यालय तनहुँका प्रमुख शङ्करबाबु अधिकारीले जानकारी दिनुभयो ।

स्वास्थ्य विज्ञान प्रतिष्ठान जुम्लाद्वारा हेलिकोप्टरबाट स्वाब सङ्कलन

साबिकका कर्णाली अञ्चलमा जिल्लाहरूमा स्वाब सङ्कलन र काेराेना परीक्षणको जिम्मेवारी पाएको कर्णाली स्वास्थ्य विज्ञान प्रतिष्ठानले हुम्ला जिल्लामा हेलिकोप्टरबाट स्वाब सङ्कलन कार्य अगाडि बढाएको छ । सडक सञ्जाल नजोडिएको हिमाली जिल्ला हुम्लामा यसअघि प्रतिष्ठानबाट खटिएको चिकित्सकसहितको टोलीले सङ्कलन गरेका स्वाब हेलिकोप्टरमा ढुवानी गरेर जुम्ला लगिनेछ ।

धुलिखेल अस्पतालमा दुई हजार जनाको पीसीआर परीक्षण

धुलिखेल सामुदायिक अस्पतालले करिब दुई हजार जनाको थ्रोट स्वाब परीक्षण ‘पोलिमेरीज चेन रियाक्सन’ (पीसीआर) विधिबाट काेभिड - १९ परीक्षण गरेको छ । धुलिखेल अस्पतालका कोरोना परीक्षण ल्याj विभागका सूचना अधिकारी डा. सुमनराज ताम्राकारले चैत २३ गतेदेखी अहिलेसम्म एक हजार आठ सय २१ जनाको परीक्षण रिपोर्ट आइसकेको जानकारी दिनुभयो । उहाँका अनुसार २२१ जनाको स्वाव सङ्कलन गरेर परीक्षण भइरहेको छ ।

लकडाउनको उलङ्घन गरी बस चढेर काफल खान गएका ३० युवा समातिए

लकडाउनको उलङ्घन गरी काफल खान गएका ३० जना पक्राउ परेका छन् । सिरानचोक गाउँपालिका ४ र ५ बाट बस रिजर्भ गरेर काफल खान वडा नम्बर २ थालाजुङ्गको जङ्गल पुगेका ३० जना युवालाई नियन्त्रणमा लिइएको जिल्ला प्रहरी कार्यालय, गोरखाका प्रमुख एसपी ओम अधिकारीले जानकारी दिनुभयो ।

शङ्कास्पद पाँचसहित १७३ जनाको स्वाब रिपोर्ट नेगेटिभ

कोभिड–१९ सङ्क्रमणको आशङ्कामा सेती प्रादेशिक अस्पतालको आइसोलेसन कक्षमा भर्ना भएका शकाङ्स्पद पाँच जनासहित १७३ व्यक्तिको थ्रोट स्वाब रिपोर्ट नेगेटिभ आएको छ ।