नेपालको ध्यान सिरिज जित्नेमा : सन्दीप

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको एउटै ध्यान त्रिदेशीय टी–२० सिरजि जित्ने रहेको बताउनुभएको छ । कीर्तिपुर मैदानमा लगातार दोस्रो जित निकालेपछि कप्तान सन्दीपले सबैको चाहना सबै खेल जितेर सिरिज कब्जा गर्नु रहेको बताउनुभयो ।

त्रिदेशीय टी–२० सिरिज : नेपाल फाइनल नजिक

नेपाल त्रिदेशीय टी–२० अन्तर्राष्ट्रिय सिरिजको फाइनल नजिक पुगेको छ । सिरिजमा लगातार दोस्रो जित निकालेसँगै नेपाल फाइनल नजिक पुगेको हो । कीर्तिपुरस्थित टियु क्रिकेट मैदानमा बुधबार भएको खेलमा नेपालले मलेसियालाई ६ विकेटले हरायो । पहिलो खेलमा नेपालले पपुवा न्युगिनी (पीएनजी) लाई १५ रनले हराएको थियो ।

नेपाललाई जितका लागि मलेसियाको एक सय १५ रनको लक्ष्य

त्रिदेशीय टी–२० अन्तर्राष्ट्रिय सिरिजको दोस्रो खेलमा नेपाललाई जितका लागि मलेसियाले एक कसय १५ रनको विजय लक्ष्य दिएको छ । कीर्तिपुरस्थित टियु क्रिकेट मैदानमा टस जितेर पहिले ब्याटिङ गरेको मलेसियाले निर्धारित २० ओभरमा आठ विकेटको क्षतिमा एक सय १४ रन बनायो ।

त्रिदेशीय टी–२० अन्तर्राष्ट्रिय सिरिजमा मलेसियासँग टस हारेर बलिङ गर्दै नेपाल

त्रिदेशीय टी–२० अन्तर्राष्ट्रिय सिरिजको दोस्रो खेलमा नेपालले आज (बुधबार) मलेसियासँग प्रतिस्पर्धा गर्दैछ । कीर्तिपुरस्थित टियु क्रिकेट मैदानमा नेपालले अहिले टस हारेर बलिङ गर्ने भएको छ । टस जितेको मलेसियाले पहिले ब्याटिङ गर्ने निर्णय गरेको छ ।

इजिप्टलाई हराउँदै सेनेगल विश्वकपमा

कतार विश्वकप छनोट अन्तर्गत अफ्रिकी महादेशको प्लेअफमा इजिप्टलाई हराउँदै सेनेगलले विश्वकपमा स्थान बनाएको छ । मंगलबार राति भएको प्लेअफको दोस्रो लेगमा सेनेगलले इजिप्टलाई टाइ्रब्रेकरमा ३-१ गोलले हरायो ।

पोर्चुगल र पोल्यान्ड विश्वकपमा छनोट

पोर्चुगल र पोल्यान्ड कतार फिफा विश्वकप २०२२ मा छनोट भएका छन् । युरोपेली छनोट अन्तर्गत मंगलबार राति भएको प्लेअफ फाइनलमा पोर्चुगलले नर्थ म्यासेडोनियालाई २–० गोलले हरायो । अर्को प्लेअफ फाइनलमा पोल्यान्डले स्वीडेनलाई २–० गोलले स्तब्ध बनाउँदै विश्वकप यात्रा तय गरेको हो ।

ब्राजिलले जित्दा अर्जेन्टिना बराबरीमा रोकियो

कतार फिफा विश्वकप २०२२ अन्तर्गत दक्षिण अमेरिकी छनोट खेलमा ब्राजिलले जित निकाल्दा अर्जेन्टिना बराबरीमा रोकिएको छ । बुधबार बिहान भएको खेलमा ब्राजिलले बोलिभियालाई उसकै मैदानमा ४–० गोलले हरायो । अर्को खेलमा र्जेन्टिना इक्वेडरसँग १–१ गोलको बराबरीमा रोकिएको हो ।

भारतको बैंक अफ बरोडालाई टेबलटेनिसमा स्वर्ण

भारतको बैंक अफ बरोडाले चौथो सम्झना कप अन्तर्राष्ट्रिय टेबलटेनिस प्रतियोगिताको महिला टिम इभेन्टमा मंगलबार स्वर्ण जितेको छ । लैनचौरस्थित राष्ट्रिय टेबलटेनिस प्रशिक्षण केन्द्रमा भएको फाइनलमा बरोडाले भारतकै अन्सुल गर्ग एकेडेमी (एजीए) लाई ३–१ ले हरायो ।

नेपालको एकदिवसीय वरीयता दुई स्थान खस्कियो

नेपालको एकदिवसीय क्रिकेट वरीयता एक दुई स्थान खस्किएको छ । अन्तर्राष्ट्रिय क्रिकेट परिषद् (आईसीसी) ले मंगलबार सार्वजनिक गरेको पछिल्लो एकदिवसीय वरीयतामा नेपाल दुई स्थान खस्कँदै १८औँ स्थानमा पुगेको हो । यसअघि नेपाल १६औँ स्थानमा थियो ।

मलेसियाको विजयी सुरुवात

मलेसियाले त्रिदेशीय टी–२० क्रिकेट सिरिजमा विजयी सुरुवात गरेको छ । कीर्तिपुर स्थित टियु मैदानमा मंगलबार भएको खेलमा मलेसियाले पपुवा न्युगिनी (पीएनजी) लाई आठ रनले हरायो । पीएनजीको यो लगातार दोस्रो हार हो । पहिलो खेलमा पीएनजी नेपालसँग १५ रनले पराजित भएको थियो ।

एन्फा निर्वाचन समितिमा श्रीराम

अखिल नेपाल फुटबल संघ (एन्फा) ले अधिवक्ता श्रीराम दवाडीको संयोजकत्वमा निर्वाचन समिति गठन गरेको छ । एन्फाको ललितपुरमा मंगलबार सम्पन्न २०औँ विशेष साधारण सभाले दवाडीको संयोजकत्वमा निर्वाचन समिति गठन गरेको हो । एन्फाको चुनावी साधारण सभा आगामी जेठ १५ गतेका लागि यसअघिनै तय भईसकेको छ ।

सूर्य नेपाल वेस्टर्न अ‍ोपन पोखरामा

सूर्य नेपाल गल्फ टुरको पाँचौँ स्पर्धा वेस्टर्न अ‍ोपन गल्फ च्याम्पियनसिप बुधबारदेखि पार ६९ को हिमालयन गल्फ कोर्स पोखरामा सुरु हुँदैछ । नेपाल प्रोफेसनल गल्फर्स एसोसिएसनको आयोजनामा हुने ५४ होलको प्रतियोगितामा ३० ३० व्यावसायिक र १५ एमेच्योर खेलाडीको सहभागिता रहने छ ।

लेटाङ नगरपालिका अन्तिम चारमा

पथरीशनिश्चरे नगरपालिकालाई २–१ गोलले हराउँदै लेटाङ नगरपालिका मोरङको कानेपोखरीमा जारी अन्तरपालिका स्तरीय प्रथम अध्यक्ष कप फुटबल प्रतियोगिताको अन्तिम चारमा पुगेको छ ।

हरियाणा स्पोर्ट्स क्लबलाई प्रधानमन्त्री कप उपाधि

भारतको हरियाणा स्पोर्टस् क्लब आठौँ संस्करणको सगरमाथा सिमेन्ट प्रधानमन्त्री कप अन्तर्राष्ट्रिय आमन्त्रण महिला भलिबल प्रतियोगिताको च्याम्पियन बनेको छ ।नेपालगन्जस्थित कभर्डहलमा सोमबार भएको उपाधि भिडन्तमा हरियाणाले विभागीय नेपाल पुलिस क्लबलाई ३–० को सोझो सेटमा हराउँदै उपाधि जितेको हो ।

गोपाललाई अमेरिकामा अर्को पदक

नेपाली खेलाडी गोपाल भण्डारीले ४३औँ नेसनल ओपन तेक्वान्दो च्याम्पियनसिपमा रजत पदक जित्नुभएको छ । मेरिकोको भर्जिनियामा आयोजना भएको च्याम्पियनसिपमा गोपालले सोमबार ३३ वर्षमाथिको उमेर समूहअन्तर्गत मास्टर पुम्सेमा रजत जित्नुभएको हो ।