नेपाललाई पीएनजीले दियो १७४ रनको लक्ष्य

आईसीसी क्रिकेट विश्वकप लिग दुई अन्तर्गतको त्रिकोणात्मक एकदिवसीय सिरिजमा अन्तर्गत मंगलबारको खेलमा पपुवा न्युगिनी (पीएनजी)ले नेपाललाई १७४ रनको लक्ष्य दिएको छ । यूएई क्रिकेट रंगशालामा नेपालले टस जितेर पहिलो बलिङको निर्णय गरेपछि सुरुमा ब्याटिङ गरेको पीएनजीले पूरै ५० ओभरमा आठ विकेट गुमाउँदै १७३ रन बनाएको हो ।

बागमती प्रदेश खेलकुदमा सन्तोषीलाई स्वर्ण

धादिङकी सन्तोषी श्रेष्ठले प्रथम बागमती प्रदेश खेलकुदअन्तर्गत एथलेटिक्सको महिला ५ हजार मिटर दौडमा सोमबार स्वर्ण जित्नुभएको छ । १३औं दक्षिण एसियाली खेलकुद (साग) की स्वर्णधारी सन्तोषीले निर्धारित दूरी १९ मिनेट ४०.९ सेकेन्डमा पूरा गर्नुभयो ।

भोजपुर गोल्डकप उपाधि गोर्खा ब्वाइजको पोल्टामा

पाचौँ अन्तर्राष्ट्रिय आमन्त्रण मेयर भोजपुर गोल्डकप पुरुष फुटबल प्रतियोगिताको उपाधि गोर्खा ब्वाइज स्पोर्ट्स क्लब रुपन्देहीले जितेको छ । स्थानीय टुडिखेलमा सोमबार भएको फाइनल खेलमा गोर्खा ब्वाइजले भारतको अमुक्ता परिवार, वेष्ट वंगाललाई ५–० गोलले हरायो ।

मुख्यमन्त्री कप भलिबल : सुदूरपश्चिम र आर्मीको विजयी सुरुवात

‘मुख्यमन्त्री कप राष्ट्रिय पुरुष भलिबल प्रतियोगिता’मा विभागिय टोली त्रिभुवन आर्मी क्लब र सुदूरपश्चिम प्रदेशले विजयी सुरुवात गरेका छन् । कैलालीको धनगढीमा सोमबारदेखि सुरु भएको प्रतियोगिताअन्तर्गत उद्घाटन खेलमा आर्मी र दोस्रो खेलमा घरेलु टोली सुदूरपश्चिम विजयी भयो ।

राखेपको प्रशासनिक भवन उद्घाटन

राष्ट्रिय खेलकुद परिषद् (राखेप) को नवनिर्मित प्रशासनिक भवनको सोमबार उद्घाटन गरिएको छ । राखेपको ५८ वार्षिकोत्सवका अवसरमा आयोजित कार्यक्रममा राखेप अध्यक्ष समेत रहेका युवा तथा खेलकुद मन्त्री महेश्वरजंग गहतराजले भवनको उद्घाटन गर्नुभयो ।

यूएईसँग नेपालको लज्जास्पद हार

खराव ब्याटिङलाई निरन्तरता दिएपछि नेपाल आईसीसी विश्वकप क्रिकेट लिग–२ अन्तर्गत त्रिदेशीय सिरिजमा घरेलु टोली यूएईसँग ९९ रनले पराजित भएको छ । दुबई इन्टरनेशनल क्रिकेट स्टेडियममा सोमबार यूएईले दिएको २०३ रनको विजयी लक्ष्य पछ्याएको नेपाल ३५.१ ओभरमा सवै विकेटको क्षतिमा १०३ रनमा समेटियो ।

एनएसजेएफ–पल्सर स्पोर्ट्स अवार्डको तयारी पूरा

नेपाल खेलकुद पत्रकार मञ्चको आयोजनामा हुने ‘एनएसजेएफ पल्सर स्पोर्ट्स अवार्ड–२०७७ को तयारी पूरा भएको छ । कमलादीस्थित प्रज्ञा भवनको हलमा मंगलबार हुने १८औँ संस्करणको अवार्डको सम्पूर्ण तयारी पूरा भएको एनएसजेएफका अध्यक्ष एवं अवार्ड आयोजक मूल समारोह समितिका संयोजक दुर्गानाथ सुवेदीले जानकारी दिनुभयो ।

नेपाललाई यूएईको २०३ रनको लक्ष्य

आईसीसी विश्वकप क्रिकेट लिग–२ अन्तर्गत त्रिदेशीय सिरिजमा घरेलु टोली यूएईले नेपालालाई जितका लागि दुई सय तीन रनको लक्ष्य दिएको छ । दुबई इन्टरनेशनल क्रिकेट स्टेडियममा पहिलो ब्याटिङ गरेको यूएईले निर्धारित ५० ओभरमा नौ विकेटको क्षतिमा दुई सय दुई रन बनाएको छ ।

आईसीसी विश्वकप क्रिकेट लिग–२ त्रिदेशीय सिरिजमा यूएईविरुद्ध बलिङ गर्दै नेपाल

आईसीसी विश्वकप क्रिकेट लिग–२ अन्तर्गत त्रिदेशीय सिरिजमा नेपाले आज घरेलु टोली संयुक्त अरब इमिरेट्स (यूएई) सँग प्रतिस्पर्धा गर्दैछ । दुबई इन्टरनेशनल क्रिकेट स्टेडियममा टस जितेको नेपालले पहिला बलिङ गर्ने निर्णय लिएको छ ।

राष्ट्रिय महिला बिच भलिबल पाल्पाको रानीमहलमा

पाल्पाको रानीमहलमा यही चैत २४ देखि २६ गतेसम्म राष्ट्रिय महिला ‘बिच’ भलिबल प्रतियोगिता आयोजना हुँदैछ । पाल्पा स्थायी घर भई समाजका विभिन्न क्षेत्रमा प्रतिनिधित्व गर्ने व्यक्तिको समन्वय, सहयोग र अग्रसरतामा उक्त प्रतियोगिता आयोजना हुन लागेको हो । सञ्जय स्मृति मेमोरियल फाउन्डेसन आयोजक रहेको उक्त प्रतियोगितामा सात प्रदेशबाट एक–एक, तीन विभागीय र स्थानीयसहित दुई आमन्त्रित टोलीबीच प्रतिस्पर्धा हुनेछ । ‘बिच’ भलिबल...

एल क्लासिकोमा बार्सिलोनाको बाजी

स्पेनिस ला लिगा अन्तर्गत बार्सिलोना र रियल म्याड्रिडबीचको भिडन्त अर्थात् एल क्लासिकोमा बार्सिलोनाले बाजी मारेको छ । रियलको घरेलु मैदानमा आइतबार राति भएको खेलमा बार्सिलोनाले ४-० गोलको फराकिलो जित निकाल्यो ।

सिटी र लिभरपुल एफए कपको सेमिफाइनलमा

इङ्लिस प्रिमियर लिग क्लब म्यानचेस्टर सिटी, लिभरपुल र क्रिस्टल प्यालेस एफए कप फुटबलको सेमिफाइनलमा प्रवेश गरेका छन् । आइतबार राति भएको खेलमा प्रिमियर लिगको शीर्षस्थानमा रहेको म्यानचेस्टर सिटीले साउथह्याम्पटनलाई उसकै मैदानमा ४–१ गोलले हरायो ।

दिनेश र रुबिका च्याम्पियन

नेपाल आर्मीका दिनेश बुढा मगर र बाग्मती प्रदेशकी रुबिका खड्का जिपी कोइराला स्मृति प्रोफेसनल आईटीएफ तेक्वान्दो च्याम्पियनसिपमा च्याम्पियन बन्नुभएको छ ।

सुदूरपश्चिम स्पोर्टस अवार्ड चैत २५ गते

‘सुदूरपश्चिम स्पोर्टस अवार्ड’को तेस्रो संस्करण चैत २५ गते हुने भएको छ । नेपाल खेलकुद पत्रकार मञ्च कैलालीले आइतबार धनगढीमा पत्रकार सम्मेलन गर्दै अवार्डको तेस्रो संस्करणबारे जानकारी दिएको हो ।

यू–१९ महिला राष्ट्रिय क्रिकेट : कर्णालीको विजयी सुरुवात

कैलालीको धनगढीमा आइतबारदेखि सुरु भएको मुख्यमन्त्री कप यू–१९ महिला राष्ट्रिय क्रिकेट प्रतियोगितामा कर्णाली प्रदेशले विजयी सुरुवात गरेको छ । कर्णालीले सुदूरपश्चिम प्रदेशलाई ३४ रनले हरायो ।