नेपालको ह्वीलचेयर क्रिकेट टोलीले बंगलादेशमा खेल्ने

पालको पुरुष ह्वीलचेयर क्रिकेट टोलीले बंगलादेशमा बंगबन्धु फोर नेसन्स फिजिकल्ली च्यालेन्ज टी–२० क्रिकेट प्रतियोगिता खेल्ने भएको छ । बंगलादेशको कक्स बजारमा चैत १३ देखि १७ गतेसम्म हुने प्रतियोगितामा नेपालसहित भारत, बंगलादेश र श्रीलंकाको सहभागिता रहने नेपाल ह्वीलचेयर क्रिकेट संघका अध्यक्ष छुल्टिम ग्याल्जेन शेर्पाले जानकारी दिनुभयो ।

एन्फा विशेष साधारण सभा यसै महिना

अखिल नेपाल फुटबल संघ (एन्फा) को विशेष साधारण सभा यसै महिनामा हुने भएको छ । एन्फाको चैत १५ गते हुने भएको छ । एन्फाको बिहीबार बसेको कार्यसमिति बैठकले चैत १५ गते विशेष साधारण सभा काठमाडौंमा गर्ने निर्णय गरेको हो ।

धनगढीमा मुख्यमन्त्री विवाईसी महिला गोल्डकप हुने

कैलालीको धनगढीमा प्रथम मुख्यमन्त्री विवाईसी महिला गोल्डकप हुने भएको छ । वनदेवी युवा क्लब तेघरीको आयोजनामा वैशाख ३ गतेदेखि १० गतेसम्म धनगढी रंगशालामा आयोजना हुने गोल्ड कपमा आठ टोलीको सहभागिता रहने प्रतियोगिताका संयोजक दुर्गा अधिकारीले जानकारी दिनुभयो ।

यूएईसँग ब्याटिङमा सुधारको आशा 

यूएईमा जारी आईसिसी विश्वकप क्रिकेट लिग–२ अन्तर्गत त्रिदेशीय सिरिजमा शुक्रबार नेपालले घरेलु टोली यूएईको सामना गर्दैछ । पहिलो खेलमा तुलनात्मक रुपमा बलियो प्रतिद्वन्द्वी पपुवा न्युगिनी (पीएनजी) माथि संघर्षपूर्ण जित निकालेको नेपाललाई यूएईविरुद्ध ब्याटिङमा सुधार गर्नुपर्ने आवश्यकता छ ।

चेल्सी च्याम्पियन्स लिगको क्वार्टरफाइनलमा

इङ्लिस क्लब चेल्सी यूईएफए च्याम्पियन्स लिग फुटबलको क्वार्टरफाइनलमा प्रवेश गरेको छ । बुधबार राति भएको खेलमा चेल्सीले फ्रेन्च क्लब लिलेलाई २–१ गोलले हरायो । चेल्सीले समग्रमा ४–१ गोलको जित निकाल्यो ।

लिभरपुल र टोट्टनहाम विजयी

इङ्लिस प्रिमियर लिग फुटबलमा बुधबार राति लिभरपुल र टोट्टनहाम विजयी भएको छ । लिभपुलले आर्सनललाई उसैको मैदानमा २–० गोलले हरायो । टोट्टनहामले पनि ब्राइटनलाई उसैको मैदानमा २–० गोलले स्तब्ध बनायो ।

पीएनजीमाथि नेपालको रोमाञ्चक जित

आईसीसी क्रिकेट विश्वकप लिग–२ अन्तर्गत त्रिदेशीय सिरिजको पहिलो खेलमा नेपाल पपुवा न्युगिनी (पीएनजी) माथि दुई विकेटको रोमाञ्चक जित निकालेको छ । यूएईको सारजाह क्रिकेट मैदानमा बुधबार भएको खेलमा दुई सय पाँच रनको विजय लक्ष्य पछ्याएको नेपालले ४९.२ ओभरमा आठ विकेटको क्षतिमा दुई सय १० रन बनायो ।

वीरगंज र चर्च ब्वाइजको बराबरी

शहिद स्मारक ‘बी’ डिभिजन लिग फुटबल प्रतियोगितामा वीररगंज युनाईटेड र चर्च ब्वाइज क्लबले बराबरी खेल्दै अंक बाडेका छन् । सातदोवाटो स्थित एन्फा कम्प्लेक्स मैदानमा बुधबार भएको खेलमा वीररगंज र चर्च ब्वाइजले १-१ गोलको बराबरी खेले ।

बक्सिङ छनोट शनिबारदेखि

थाइल्यान्डको फुकेटमा हुने थाइल्यान्ड ओपन अन्तर्राष्ट्रिय बक्सिङ प्रतियोगिताका लागि खेलाडी छनोट प्रतियोगिता शनिबारदेखि हुने भएको छ । नेपाल बक्सिङ संघले आयोजना गर्ने प्रतियोगिताको पुरुषमा ३ र महिलामा ४ गरी ७ स्पर्धामा प्रतिस्पर्धा हुनेछ ।

स्पोर्ट्स अवार्डलाई नबिलको सहप्रायोजन

एनएसजेएफ पल्सर स्पोर्ट्स अवार्ड दशकका लागि आयोजक नेपाल खेलकुद पत्रकार मञ्चले नबिल इन्भेस्टमेन्ट बैंकिङ लिमिटेडसँग सहप्रायोजन सम्झौता गरेको छ ।

नेपाललाई दुई सय पाँच रनको लक्ष्य

आईसीसी क्रिकेट विश्वकप लिग-२ अन्तर्गत त्रिदेशीय सिरिजमा पपुवा न्युगिनी (पीएनजी) ले नेपाललाई दुई सय पाँच रनको विजय लक्ष्य दिएको छ । यूएईको सारजाहमा टस जितेर पहिले ब्याटिङ गरेको पीएनजीले ५० ओभरमा आठ विकेट गुमाएर दुई सय चार रन बनायो ।

टस हारेपछि नेपाल बलिङ गर्दै

आईसीसी विश्वकप लिग–२ अन्तर्गत त्रिदेशीय सिरिजमा नेपालले पपुवा न्युगिनी (पीएनजी) सँग पहिले बलिङ गर्ने भएको छ । टस हारेपछि नेपालले बलिङ गर्न लागेको हो । यूएई स्थित शारजाह क्रिकेट स्टेडियममा टस जितेको पीएनजीले पहिले ब्याटिङ गर्ने निर्णय गरेको छ ।

एट्लेटिको म्याड्रिड च्याम्पियन्स लिगको क्वार्टरफाइनलमा

स्पेनिस क्लब एट्लेटिको म्याड्रिड यूईएफए च्याम्पियन्स लिग फुटबलको क्वार्टरफाइनलमा प्रवेश गरेको छ । मंगलबार राति भएको खेलमा एट्लेटिकोले इङ्लिस क्लब म्यानचेस्टर युनाइटेडलाई १–० गोलले हरायो ।

भारतसँग नेपालको फराकिलो हार

साफ यू–१८ महिला च्याम्पियनसिप फुटबलको पहिलो खेलमा नेपालले अआयोजक भारतसँग फराकिलो हार खेपेको छ । भारतको जमसेदपुरमा मंगलबार राति भएको उद्घाटन खेलमा नेपाल भारतसँग ७-० गोलले पराजित भयो ।

कप्तान सन्दीपको पहिलो एकदिवसीय

आईसीसी विश्वकप लिग–२ क्रिकेट अन्तर्गत नेपालले बुधबार यूएईमा पपुवा न्युगिनी (पीएनजी) सँग प्रतिस्पर्धा गर्दैछ। यो कप्तान बनेपछि सन्दीप लामिछानेले खेल्न लाग्नु भएको पहिलो अन्तर्राष्ट्रिय एकदिवसीय खेल हो। सन्दीपले यसअघि टी–२० विश्वकप ग्लोबल छनोट खेलमा नेपालको कप्तानी गर्नुभएको थियो।